Spurt og svarað

01. september 2006

Endalaus úthreinsun

Komið þið sælar og takk fyrir góðan vef!

Ég átti stúlku fyrir 16 vikum síðan, fæðingin gekk vel en ég rifnaði talsvert. Úthreinsunin stóð í 3 vikur, byrjaði svo aftur að blæða alveg heilmikið (líktist miklum tíðablæðingum) í nokkra daga, 5 vikum eftir það og svo núna fyrir 3 vikum hélt ég að ég væri að byrja á blæðingum og var þá með dökk brúna útferð í u.þ.b viku og svo er þetta byrjað aftur núna og búið að vera af og til í 5 daga. Þetta er nánast alveg verkjalaust, finn stundum smá seiðing þegar hún er að drekka og það er ekki vond lykt af þessu. Ég er með barnið eingöngu á brjósti. Er þetta eðlilegt eða ætti ég að hafa áhyggjur af þessu? Ég á tíma hjá kvensjúkdómalækni í lok september mætti það þá bíða þangað til? Er í lagi að hafa samfarir á meðan þessi útferð er? Ég er ekki búin að fara í eftirskoðun.

Kveðja, „Nýleg mamma“.

 


 


Sæl!

Sennilega er þér nú óhætt að bíða eftir skoðuninni fyrst þetta er verkjalaust og lyktarlaust.  Gætu vel verið venjulegar blæðingar en ekki gott að segja, úthreinsun eftir fæðinguna ætti að vera lokið fyrir þó nokkru. Ræddu við þinn lækni í skoðuninni.

Gangi þér vel,

Tinna Jónsdóttir,
ljósmóðir og hjúkrunarfræðingur,
1. september 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.