Spurt og svarað

17. ágúst 2006

Eymsli eftir fæðingu

Sæl og takk fyrir frábæran vef. 

Ég eignaðist yndislega dóttur fyrir 3 vikum síðan og úthreinsunin er eiginlega búin (hætt að blæða en enn gulleit útferð) og mér finnst ég vera að gróa ágætlega.  Nema þegar ég hef hægðir, sem ég var ansi hrædd við í fyrstu, og gekk illa, en núna er ég svo aum að ég á bágt með að sitja.  Getur verið að við saumaskapinn hafi opið minnkað, mér finnst ég vera að rifna í sundur þegar ég hef hægðir og það blæðir.  Ég fékk annarar gráðu rifu, en er ekki viss hvað það þýðir í rauninni.  Eða er þetta kannski bara eðlilegur hluti af bataferlinu?
Svo er ég með mikla sveppasýkingu, er í lagi að nota stíla til að vinna á
því svona stuttu eftir fæðingu? Eða eigið þið góð ráð varðandi það?



Sæl
Sennilega gætu eymslin verið vegna gyllinæðar. Gyllinæð getur verið fyrir innan eða utan endaþarminn og valdið miklum óþægindum.  Til eru krem og stílar án lyfseðils, sem hægt er að nota við þessum kvilla. Einnig getur verið gott að nota kælibakstur.  Mikil vatnsdrykkja og trefjaneysla er einnig til bóta, ef eymslin lagast ekki við þetta þarft þú að láta kíkja á þetta hjá lækni.
Varðandi sveppalyfin, þá ætti það að vera óhætt, en ég myndi líka athuga með bindanotkun, betra er að nota náttúruleg bindi og skipta oft, heldur en bindi með plasthúð.

Tinna Jónsdóttir,
hjúkrunarfræðingur og ljósmóðir.
17.08.2006.


Kveðja



Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.