Fullnæging eftir fæðingu

02.08.2011

Takk fyrir frábæran vef.

Ég eignaðist lítinn gutta fyrir rúmum 5 vikum, allt gekk vel í fæðingu, rifnaði bara pínulítið.  Útferðin hjá mér er nokkurn vegin búin. Nú er ætlunin að fara stunda kynlíf aftur en ég er rosalega hrædd við að fá fullnægingu, hrædd um að eitthvað gerist, slæmt fyrir legið eða eitthvað.  Ætli mig vanti ekki svar við því hvort það sé ekki í lagi að fá fullnægingu rúmum 5 vikum eftir fæðingu?

Takk fyrir skjót svör




Komdu sæl.

Þú hefur ekkert að óttast.  Fullnæging veldur samdráttum tímabundið í leginu en eins og þú veist hefur legið farið í gegnum sterkari samdrætti í fæðingu og eftir hana þegar það var að dragast saman.  Líkamlega ertu tilbúin.  Ræddu þetta við mannin þinn og farið rólega af stað.  Takið eitt skref í einu og þú munt sjá að þetta er allt í lagi.

 

Kveðja

Rannveig B. Ragnarsdóttir,
ljósmóðir og hjúkrunarfræðingur.
2. ágúst 2011.