Spurt og svarað

22. júní 2005

Gyllinæð, einkenni

Vil byrja á því að þakk fyrir góðan vef.

Ég átti barn fyrir 7 vikum síðan ég er búin að fara í eftirskoðun og allt var í lagi en núna held ég að ég sé komin með gyllinæð mig langar að vita hvenrnig hún lýsir sér svo ég geti þá fengið lyf við þessu.

Með fyrifram þökk.

.......................................................................

Sæl og takk fyrir að leita til okkar!

Gyllinæð geta fylgt verkir og óþægindi. Einnig getur komið blóð með hægðunum út frá rifunum. Gyllinæð er það þegar bláæðar í endaþarmi tútna út. Einkenni sem fylgja gyllinæð geta verið kláði, særindi eða fyrirferð við endaþarmsopið. Úttútnaðar bláæðar valda þessari fyrirferð. Stundum getur blætt smávegis frá endaþarminum.

Með því að forðast harðlífi má draga úr þessari ertingu og særindum. Búið er að svara fyrirspurn hér á síðunnum hægðartregðu þannig að ég vil benda þér á að skoða þau svör. Hægt er kaupa krem og stíla í apótekum til að meðhöndla gyllinæð. Ef þú hefur áhuga á óhefðbundum aðferðum þá eru einnig fleiri ráð við gyllinæð hér á síðunni. Síðast en ekki síst vil ég nefna að nálastungur geta einnig gagnast við gyllinæð og þær eru t.d. í boði hjá Guðlaugu Maríu hjá 9mánuðum.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
22. júní 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.