Spurt og svarað

24. ágúst 2005

Hárlitun með barn á brjósti

Sælar og takk fyrir upplýsandi síðu.
Langaði bara að spyrja hvort það sé alveg í lagi að lita/aflita hárið á sér með barn á brjósti. Barnið er 2 mánaða.
Með fyrirfram þökk.

.....................................

Komdu sæl og takk fyrir að senda okkur fyrirspurn

Geri ráð fyrir að það sé í lagi að aflita hár með barn á brjósti, þar sem hárliturinn á ekki að komast inn í blóðrásina þína og þannig ekki geta farið í brjóstamjólkina.
Hárlitun á meðgöngu hefur verið rannsökuð og kom í ljós, að ófrískar konur virðast hafa meiri tilhneigingu til að sýna ofnæmisviðbrögð en aðrir við hárlitun, en ekki hefur tekist að sýna fram á skaðsemi fyrir fóstur.  Annars ætti hárgreiðslumeistarinn þinn að geta upplýst þig frekar um þetta efni.

kveðja,

Kolbrún Jónsdóttir,
ljósmóðir og hjúkrunarfræðingur,
24.08.2004.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.