Spurt og svarað

30. nóvember 2005

Hvenær byrja blæðingar á ný eftir fæðingu

Sælar og takk fyrir góðan vef!

Ég er með 7 mánaða barn á brjósti og hef enn ekki byrjað á blæðingum.  Er talað um einhvern ákveðin mánaðafjölda þangað til maður byrjar eða er það einstaklingsbundið og kannski bundið við brjóstagjöf? Langar nefnilega að verða ólétt aftur en veit ekki alveg hvernig ég á að fylgjast með þessu núna (t.d. taka óléttupróf) þar sem ég hef engar blæðingar að miða við.

Kveðja.

.....................................................

Sæl og blessuð.

Það er mjög einstaklingsbundið hvenær blæðingar hefjast aftur eftir fæðingu. Það eru þó sterk tengsl við brjóstagjafatíma. Ef brjóstagjöf gengur vel og gjafir eru tíðar og nokkuð reglubundnar þá verður ekki egglos eða blæðingar. Það er ekki fyrr en eitthvert rof verður á brjóstagjöfinni t.d. að 1-2 gjafir detta út að eitthvað getur farið að gerast. Þú getur notað óléttupróf hvenær sem er ef þú merkir einhver þungunareinkenni.

Með bestu kveðjum.

Katrín Edda Magnúsdóttir,
ljósmóðir og brjóstagjafaráðgjafi,
30. nóvember 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.