Spurt og svarað

06. janúar 2005

Hvenær byrja blæðingar eftir að brjóstagjöf er hætt?

Ég átti fyrir 10 mánuðum og hætti með á brjósti fyrir 1 mánuði og hef ekki enn haft blæðingar og ekki egglos heldur miðað við hitamælingu og hef ekki tekið nein getnaðarvarnarlyf og er ekki ólétt. Hvað á maður að bíða lengi áður en maður lætur tékka á sér og skiptir aldur þá kannski líka máli en ég er 35 ára.

..............................................................

Komdu sæl og gleðilegt ár.

Það telst eðlilegt að það líði allt að þremur mánuðum áður en blæðingar hefjast eftir að kona hættir með barn á brjósti.  Þetta er mjög einstaklingsbundið og þarf ekki alltaf að vera eins hjá sömu konunni.  Ég hvet þig til að vera alveg róleg yfir þessu, blæðingarnar koma fyrr en síðar.  Þú getur líka fengið þér egglos próf í apóteki sem sýnir þér hvenær egglos er hjá þér ef þú villt reyna strax að verða ólétt. Með aldrinum minnkar frjósemin þannig að ef þú hyggur á frekari barneignir og ert tilbúin  til að ganga með annað barn þá er ekki eftir neinu að bíða.

Gangi þér vel.

Kveðja,

Málfríður St. Þórðardóttir,
hjúkrunarfræðingur og ljósmóðir,
5. janúar 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.