Spurt og svarað

08. maí 2004

Kynlíf eftir fæðingu

Hæ hæ!

Mig langar að vita hvort það sé eðlilegt að það sé vont að stunda kynlíf í langan tíma eftir meðgöngu.  Ég átti stelpuna mína í febrúar og byrjaði að stunda kynlíf aftur í enda mars og það var virkilega vont. Ég hélt að þetta myndi nú skána með tímanum en það er ekki orðið betra ennþá - 15 mánuðum seinna. Verkirnir lýsa sér þannig að það er eins og hann sé að stinga mig með hníf eða einhverju álíka í hvert skipti sem hann stingur honum inn, sama hversu langt.  Nú er ég komin 36 vikur á leið aftur og vona svo innilega að þetta verði ekki eins.  Er eitthvað hægt að gera í þessu?

Með fyrirfram þökk.

.....................................................................

Sæl!

Það sem þú lýsir hér getur ekki talist eðlilegt.  Ef þú hefur aldrei fundið fyrir þessum óþægindum áður en þú fæddir stelpuna þína þá er líklegt að þetta tengist skaða eða breytingum sem hafa orðið á fæðingarveginum við fæðinguna.  Margar konur finna hins vegar til óþæginda af og til þegar þær stunda kynlíf og oft má rekja þau óþægindi til þess að leggöngin eru ekki nægjanlega vel smurð.  Ef þú telur að það sé vandamál hjá þér þá gætir þú prófað að nota sleipiefni t.d. K-Y Gel sem fæst í apótekum.  Ég vil svo benda þér á að ráðfæra þig við kvensjúkdómalækni ef þetta verður áfram svona vont eftir næstu fæðingu.

Anna Sigríður Vernharðsdóttir, hjúkrunarfræðingur og ljósmóðir - 8. maí 2004.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.