Spurt og svarað

17. júní 2006

Kynlíf eftir fæðingu

Ég átti barn fyrir 8 vikum síðan.  Ég hef ekki farið í eftirskoðun þar sem ljósan mín taldi að ég þyrfti þess ekki vegna þess hversu vel fæðingin gekk og hversu lítið þurfti að sauma (ca 2-3 spor).  Málið er að ég þori einhvern veginn ekki að stunda kynlíf.  Ég er svo hrædd um að finna til eða rífa eitthvað og mér finnst allt vera svo viðkvæmt og opið.  Eru miklar líkur á að sárin séu ekki gróin á þessum tíma og má ég búast við upplifa kynlífið öðruvísi en fyrir fæðingu?
 
...............................................
 
Komdu sæl og til hamingju með barnið.
 
Að byrja að stunda kynlíf eftir fæðingu getur verið mikið mál.  Mikilvægt er að þið talið saman og byrjið hægt í fyrstu meðan þú ert að finna hvað þú getur, þolir eða finnst gott eða vont.  Sárið er örugglega löngu gróið þannig að þú þarft ekki að hafa neinar áhyggjur af því og getur alls ekki rifið neitt upp eftir svona langan tíma.  Það er mjög einstaklingsbundið hjá konum og körlum hvort þeim finnist kynlífið öðruvísi eftir fæðingu en áður, það er eitthvað sem kemur bara í ljós þegar þið byrjið.
 
Gangi þér vel.
 
Rannveig B. Ragnarsdóttir,
hjúkrunarfræðingur og ljósmóðir.
17.06.2006.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.