Spurt og svarað

11. nóvember 2006

Liðverkir eftir fæðingu

Sælar

Ég fæddi barn í júlí sl.  Síðan þá hef ég verið að fá síaukna verki í liði,
sérstaklega í hnjám, fingrum, úlnliðum og olnbogum.  Þessir verkir eru
sérstaklega slæmir ef ég hef verið kyrr í einhvern tíma.  Á næturnar finn ég einnig fyrir miklu máttleysi og verkjum í höndum þegar ég þarf að lyfta barninu upp úr rúminu sínu upp í til mín.  Getur þetta tengst rugli á hormónaflæði í líkamanum eða er þetta mögulega eitthvað annað sem ég þarf að láta lækni skoða?

Fyrirfram þakkir




Komdu sæl og takk fyrir fyrirspurnina.

Það er þekkt að konur fái verki í liði þegar þær eru með barn á brjósti og
það tengist hormónaframleiðslu í líkamanum.  Þetta hverfur svo með tímanum.  En þar sem þú segist vera versnandi og þetta er mjög útbreitt hjá þér, að ég tali nú ekki um máttleysið þá mundi ég ráðleggja þér að tala um þetta við lækni.

Gangi þér vel.



Rannveig B. Ragnarsdóttir,
hjúkrunarfræðingur og ljósmóðir.
08.11.2006.







Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.