Spurt og svarað

01. febrúar 2008

Sund á meðgöngu og eftir keisara

Sæl,
hvenær er í lagi að fara í sund eftir keisaraskurð? Einnig, eru einhver takmörk á því hvað kona má synda lengi á meðgöngu?

Kveðja


Það eru ekki til nein mörk um það hvenær má fara í sund eftir skurðaðgerð en vissulega þarf sárið að gróa vel. Ekki er ráðlagt að fara í sund fyrstu 6 vikurnar eftir fæðingu á meðan legið er að jafna sig og úthreinsun að klárast (sem gerist reyndar fyrr eftir keisara en sýkingarhættan getur verið til staðar í a.m.k. 6 vikur).

Fleira sem þarf að hugsa um er brjóstagjöfin, konur þurfa að passa að verða ekki kalt (ekki einu sinni í smá stund) til að fá ekki bólgur í brjóstin.

Þú mátt synda eins lengi og þú vilt og getur á meðgöngunni.

Vona að þetta svari spurningunni.

Rannveig B. Ragnarsdóttir,
ljósmóðir og hjúkrunarfræðingur.
1. febrúar 2008.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.