Ungbarnaeftirlit

07.05.2012

Góðan dag og takk fyrir frábæran vef.

Mín spurning er sú hvort að ég megi ráða hvar ég hef barnið mitt í ungbarnavernd? Þannig er mál með vexti að ég er með lögheimili í Garðabænum og hef alltaf verið með heimilislækni þar og líkar rosalega vel. Ég bý samt á öðrum stað svo að ég fékk að sjálfsögðu heimaþjónustu ljósmóður þar sem ég bý (alveg yndislega) og var svo send á Heilsugæslustöðina í mínu hverfi eftir það. Málið er að mér líkar ekki vel við hjúkrunarfræðinginn sem við fengum (af mörgum ástæðum) og það veldur mér miklum kvíða að láta mannneskju sem ég treysti ekki, sjá um heilsu barnsins míns. Svo að ég spyr, má ég láta færa barnið inní Garðabæ þó að ég búi ekki þar?

Með von um fljót svör ein kvíðin


Góðan dag

Reynt er að hverfaskipta aðgengi á heilsugæslustöð en ef þú átt heimilislækni annarsstaðar er þér frjálst að leita þangað.  Það er líka möguleiki að fá að skipta um hjúkrunarfræðing á hverfisstöðinni þinni.

Kveðja

Rannveig B. Ragnarsdóttir,
ljósmóðir og hjúkrunarfræðingur.
7. maí 2012.