Spurt og svarað

15. september 2008

Verkir við blæðingar

Sælar góðu konur og þakka ykkur fyrir dásamlegann vef.

Mig langar til að spyrja ykkur þar sem að ég finn enga sambærilega fyrirspurn í safninu. Er eðlilegt að vera með mikla verki í leginu við fyrstu tíðir eftri barnsburð?  Ég á 10 mánaða strák og var að byrja á blæðingum í seinustu viku, en ég er afskaplega aum eitthvað. Get ekki sest of hratt niður því þá er eins og eitthvað kremjist og ég fæ stingandi sársauka í legið. Það er eiginlega hætt að blæða hjá mér og blæðingarnar sjálfar voru ekki miklar. Ég man ekki eftir álíka verk við tíðir áður en að ég varð ólétt. Á ég að panta tíma hjá kvennsjúkdómalækni eða er svona fyllilega eðlilegt vegna aðstæðna?

Svo langar mig að bæta við stuðningi við kjarabaráttu ykkar sem stendur yfir þessa dagana. Stelpur; EKKI HNIKA! Fáið leiðréttingu á kjörum ykkar, því það er löngu tímabært.


Komdu sæl og takk fyrir hvatninguna.

Þú ættir að hafa samband við lækni og ræða þetta við hann.  Það er svo langt liðið frá fæðingu að ég get ekki séð að þetta tengist því með eðlilegum hætti.  Það þyrfti líka að fá nánari upplýsingar um hvort þessir verkir koma bara við blæðingar eða hvort þú finnur fyrir þessu á öðrum tímum líka, hversu mikið þú varst saumuð og sennilega þarf að skoða þig líka.

Gangi þér vel.

Rannveig B. Ragnarsdóttir,
ljósmóðir og hjúkrunarfræðingur.
15. september 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.