Spurt og svarað

11. mars 2009

9 mánaða og skríður ekki

Komið þið sælar!

Ég á 9 mánaða gamlan dreng sem er ekki byrjaður að skríða. Hann kann því illa að vera á maganum. Ég set hann þó á magann reglulega og þá reigir hann sig og teygir í smá stund og verður svo grautfúll. Hann var farinn að sitja 6 mánaða og er með góðar fínhreyfingar. Eina sem ég velti fyrir mér er þetta með skriðið. Ég set hnén undir hann og reyni að vekja áhugann en það vekur ekki mikla lukku. Hann vill gjarnan standa með aðstoð, finnst það heilmikið fútt, er rúm níu kíló svo ekki er það yfirþyngd sem veldur þessum rólegheitum. Hann mjakar sér heldur ekki á rassinum nema til að snúa sér.


Komdu sæl.

Ef allur hreyfiþroski er eðlilegur eins og mér sýnist vera, hann snýr sér, stendur, situr o.s.frv. mundi ég ekki hafa miklar áhyggjur þó hann skríði ekki.  Sum börn gera það ekki, önnur mjaka sér á rassinum eða maganum eða velta sér til að komast þangað sem þau þurfa að komast.  Það getur verið ágætt að þjálfa hann t.d vera með dót sem er rétt utan seilingar og fá hann til að ná því.  Eða koma til mömmu eða eitthvað slíkt ef hann hreyfir sig ekkert úr stað. 

Kannski ætlar hann bara að sleppa skriðinu og fara beint að labba.

Ef þú hefur áhyggjur skaltu tala um það við hjúkrunarfræðinginn þinn og lækninn í ungbarnaverndinni sem geta metið hreyfiþroskan hans betur.

Kveðja

Rannveig B. Ragnarsdóttir,
ljósmóðir og hjúkrunarfræðingur.
11. mars 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.