Spurt og svarað

23. mars 2006

AD-dropar, geymsla og hve lengi á að gefa

Það stendur á AD-dropa flöskunni að hún dugi í 2 mánuði og mín litla hefur tekið dropana síðan um 1 mánaða. Á hún að hætta á dropunum núna eða á ég að kaupa nýja. Ef svo er hversu lengi á hún að taka þá?


Komdu sæl!

Dagsetningar utan á vöruumbúðum segja til um endingartíma vörunnar eða þann tíma, sem framleiðandinn ábyrgist gildi hennar.
Í þínu tilfelli nefnir þú að vísu ekki aldur dóttur þinnar né hversu lengi þú hefur notað AD dropana, en ég geri ráð fyrir, að þú hafir notað þá lengur en í tvo mánuði. Þá er kominn tími til að endurnýja þá.

Rannsóknir hafa bent á, að það sé heilsusamlegt fyrir okkur að taka ráðlagðan dagskammt af þessum vítamínum (A og D vítamínum) alla ævi. Við fáum þessi vítamín úr fæðunni, sem við neytum t.d. fiski en flestir taka inn þorskalýsi (1 tsk.) daglega til að uppfylla ráðlagðan dagskammt. Ungbörnum eru gefnir AD dropar í stað lýsis frá fjögurra vikna aldri þar til þau eru farin að borða fasta fæðu en þá er skipt yfir í krakka- eða þorskalýsi. Ástæða þess er, að börnin þurfa minna magn af AD-dropunum en lýsinu og er auðveldara að koma þeim ofan í þau.

Gangi ykkur vel!

Kveðja,

Kolbrún Jónsdóttir,
ljósmóðir og hjúkrunarfræðingur,
23. mars 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.