Spurt og svarað

02. apríl 2007

Arfgengi einhverfu

Sæl og takk fyrir frábæran vef!

Er með smá áhyggjur, kannski er þeta ekki rétti vettvangurinn en ég læt samt vaða, Þannig er að ég á einhverfan bróðir og hef verið að velta fyrir mér arfgengi erfhverfu í ljósi þess að ég er gengin 33 vikur, verð að viðurkenna að ég er pínu kvíðin varðandi þetta, en eflaust að ástæðu lausu. Vona að þið hafið einhverjar upplýsingar handa mér.

Kveða, E.


Sæl og blessuð!

Það er mjög algengt að verðandi foreldrar hafi áhyggjur af heilbrigði barnsins sem þeir eiga von á. Orsakir einhverfu eru ekki að fullu þekktar en vissulega eru erfðafræðilegir þættir taldir eiga einhvern hlut að máli. Það eru samt miklu meiri líkur á að barnið ykkar fái ekki einhverfu. Því miður þá hef ég ekki miklar upplýsingar um þetta en vil benda þér á vef Umsjónarfélags einhverfra www.einhverfa.is en þar eru frekari upplýsingar og gagnlegir tenglar.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
2. apríl 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.