Spurt og svarað

31. júlí 2007

Aum eftir fósturmissi

Takk fyrir mjög góðan vef.

Ég er nýbúin að missa fóstur en var komin rúmlegar 7 vikur. Óléttan var alls ekki plönuð og kom okkur mjög á óvart. En síðan gerðist það að ég missti og var það rosalega erfið reynsla sem situr rosalega enn fast í mér.  Ég sagði mínum nánustu frá því og var ég rosalega sár yfir hversu léttilega mínu nánustu tóku því, eins og þetta væri rosalega ómerkilegt og hafi ekki verið neitt mál. Ég er enn rosalega aum andlega og hugsa um hvað gerðist daglega. Ég veit að ég var komin rosalega stutt en finnst þetta samt sem áður mikill missir. Hvernig get ég best unnið mig út úr þessu tilfinningalega séð?


Sæl og takk fyrir fyrirspurnina.

Ég skil þig mjög vel, það er oft erfitt þegar maður er ekki tilbúin að eignast barn og verða svo barnshafandi og vera svo búin að sættast á það og ganga svo í gegnum missi. þetta er mjög erfitt, fólk almennt skilur þetta ekki og finnst þetta einhver aumingjagangur en missirinn er sá sami hversu langt maður er kominn. Oft koma upp hugsanir gerði ég eitthvað til þess að fóstrið dó? Ekki óalgengt. Litlir englar eru samtök fyrir fólk sem hefur misst fóstur, það gæti verið gott að hafa samband við þau og fá upplýsingar eða leita til sálfræðings bara eitt viðtal gæti gert gæfumuninn.

Með von um að þessi orð verði til þess að aðstoða þig.

Kveðja,

Sigrún E. Valdimarsdóttir,
ljósmóðir og hjúkrunarfræðingur,
31. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.