Spurt og svarað

01. maí 2006

Barnið á sólarströnd

Góðan daginn!

Ég hef verið að velta einu fyrir mér og ekki fundið svör við  því hérna á vefnum. Í sumar er ég að fara með dóttur mína í sólina. Þegar við förum út verður hún orðin 6 mánaða (í dag er hún eingöngu á brjósti og ég reikna með því að hún verði enn á brjósti þegar við förum út).  Það sem ég hef verið að velta fyrir mér er hvort ég þurfi að gefa henni oftar brjóst eða e.t.v. vatn úr pela/könnu vegna hugsanlegs vökvataps hjá henni í sólinni. Ef ég gef henni vatn að drekka, þarf það þá að vera soðið eða er í lagi að gefa henni vatn beint úr flösku (þ.e. ósoðið).

Með þökk fyrir góðan vef sem að hefur nýst mér mjög vel.


Sælar!

Jú, í sólinni þá þurfa börnin að drekka meira af vökva - svo hún þarf örugglega að fara oftar á brjóst. Það er líka gott að gefa henni vatn úr stútkönnu - ég held að það sé gott að sjóða vatnið vegna þess að hún er svo ung. Það er núna nýr bæklingur sem hægt er að fá í ungbarnaverndinni í heilsugæslunni sem heitir  Barnið á sólarströnd - endilega fáðu eintak - það eru margar góðar leiðbeiningar í honum.

Með kveðju og góða ferð,

Ingibjörg Eiríksdóttir,
ljósmóðir og brjóstagjafaráðgjafi,
1. maí 2006.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.