Spurt og svarað

09. desember 2006

Bólusetningar ungbarna

Hæ, hæ!

Hefur þú einhvern tímann fengið fyrirspurn um áhættu í sambandi við að bólusetja ungbörn?  Ég er að heyra á fólki að það geti fylgt því áhætta.
Að sum börn þoli illa, sérstaklega undir 2 ára aldri, að fá þessar bakteríur í ónæmiskerfið sitt. Þá er talað um skaða á taugakerfi, misþroska, einhverfu sem afleiðingar o.fl. 

Veistu hvar upplýsingar um þetta er að finna?



Komdu sæl og takk fyrir að leita til okkar!

Þeir tveir þættir, sem eru mikilvægastir og skipta sköpum fyrir heilsufar barna í heiminum í dag og til að koma í veg fyrir ungbarnadauða eru, brjóstagjöf og bólusetningar. Það kom upp sú umræða í þjóðfélaginu fyrir nokkrum árum, að tengsl væru á milli einhverfu og MMR bólusetningar hjá 18 mánaða gömlum börnum, samkvæmt einhverri rannsókn, sem var gerð úti í heimi. Landlæknir og sóttvarnarlæknir, Haraldur Briem skoðuðu málið og fjölluðu um það í fjölmiðlum. Niðurstaðan varð sú, að við þyrftum ekki að óttast þessi tengsl og engin ástæða væri til að hætta að bólusetja gegn mislingum, hettusótt og rauðum hundum (MMR). Þú ættir að geta fengið nánari upplýsingar um þetta hjá Landlæknisembættinu og jafnframt á þinni heilsugæslustöð.

Með von um að þú látir bólusetja barnið þitt.

Kveðja,

Kolbrún Jónsdóttir,
ljósmóðir og hjúkrunarfræðingur,
9. desember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.