Spurt og svarað

12. október 2007

Ef báðir foreldrar eru RhD- eru þá einhverjar líkur á að barnið verði RhD+?

Sæl og takk fyrir góðan vef.

Ég er með eina spurningu varðandi blóðflokka. Ef báðir foreldrar eru í mínus rhesus eru þá einhverjar líkur á að barnið verði í plús?  Getur það mögulega erft plúsinn frá ömmum eða öfum, eða erfist þetta alfarið frá foreldrum?

Kveðja, Ein í mínus.


Sæl og blessuð!

Rhesus D þáttur erfist bara beint frá foreldrum, einn frá hvoru foreldri.

Einstaklingur sem er Rhesus D jákvæður (RhD+) hefur a.m.k. einn RhD+ þátt en getur haft tvo.  Samsetningin hjá Rheusu D jákvæðum getur verið RhD+/RhD+ eða RhD+/RhD- (vantar D). Sá sem er Rhesus D neikvæður (RhD-) hefur samsetninguna RhD-/RhD- þ.e. vöntun á Rhesus D þætti. Ef móðir er RhD- en faðirinn RhD+ getur barnið orðið annað hvort RhD+ eða RhD- því faðirinn gæti hafa haft einn RhD- þátt sem barnið getur erft.

Þín spurning er öllu auðveldari og best að koma sér að henni. Ef báðir foreldrar eru RhD- þá er enginn RhD+ þáttur til staðar og því getur barnið ekki orðið RhD+.

Vona að þetta sé ekki ruglingslegt.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
12. október 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.