Spurt og svarað

08. september 2006

Engar hægðir í 20 daga

Sælar ljósmæður!

Hef verið að lesa fyrirspurnir varðandi hægðastopp hér á síðunni en hvergi séð talað um 20 daga án hægða. Minn gaur er 8 vikna og eingöngu á brjósti. Hann hefur alltaf haft hægðir vikulega en nú eru liðnir u.þ.b. 20 dagar. Honum virðist ekki líða neitt illa, er vær, sefur vel og drekkur vel. Á ég nokkuð að hafa áhyggjur af þessu?


Sæl og blessuð.

Nei, þú þarft ekki að hafa neinar áhyggjur ef barnið er eingöngu á brjósti og því líður vel. Metið sem ég veit um eru 28 dagar en þeir gætu jafnvel orðið fleiri. Yfirleitt er þetta merki um sérlega góða nýtingu á næringu. Það verður bara ekkert eftir.

Bestu kveðjur,

Katrín Edda Magnúsdóttir,
ljósmóðir og brjóstagjafaráðgjafi,
8. september 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.