Spurt og svarað

07. maí 2008

Feitt krem á ungbörn

Sælar og takk fyrir flottan vef sem hefur svarað öllum mínum spurningum fyrir og eftir meðgöngu.

Ég er með einn 8vikna snáða sem er með þurra húð í andliti. Varð svoleiðis eftir að hormónabólurnar hurfu. Ég keypti locobase í apóteki og hef verið að bera það á þurrksvæðin s.l. 2 vikur. Líkar betur við kremið heldur en ólífuolíu. Heyrði síðan frá húsmóður að maður mætti ekki nota svona feit krem fyrr en börnin væru eldri.

Er það rétt eða er mér óhætt að halda þessu áfram?

Með þökk,

Elín


Sæl Elín

Í ungbarnaverndinni er verið að ráðleggja feit krem eins og Locobase ef fólk vill ekki nota olíuna en vill gera eitthvað, svo þú ættir bara að halda þínu striki.

Kveðja

Rannveig B. Ragnarsdóttir,
ljósmóðir og hjúkrunarfræðingur,
7. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.