Spurt og svarað

27. febrúar 2007

Er óhætt að borða mikið af gulrótum á meðgöngu?

Góðan dag!

Ég er komin 33 vikur á leið og þarf að passa mataræðið vegna meðgöngusykursýki. Nú er ég með æði fyrir gulrótum en þær eru A-vítamínríkar. Hversu mikið er óhætt að borða af þeim á dag? Gæti trúað að ég sé að borða 100-200 gr af þeim suma daga.

Kveðja, gulrótaræta.


Sæl og blessuð gulrótaræta!

Þér er alveg óhætt að borða mikið af gulrótum. Það er rétt hjá þér að ekki er ráðlegt að neyta of mikils A-vítamíns en þá er fyrst og fremst átt við A-vítamín á „Retinol“ formi sem er í fæðu úr dýraríkinu s.s. lifur, lifrarkæfu og lifrarpylsu því það getur verið skaðlegt fyrir fóstrið sé þess neytt í of miklu mæli.

Þú mátt hins vegar borða eins mikið af gulrótum og þig langar til og þarft heldur ekki að hafa áhyggjur af því að fá of mikið A-vítamín úr fæðu sem kemur úr jurtaríkinu því þar er A-vítamíni á „Beta-karótein“ formi sem er ekki skaðlegt þó þess sé neytt í miklu mæli.   

Gulrótarkveðjur,

Anna Sigríður Vernharðsdóttir,
ljósmóðir og hjúkrunarfræðingur,
27. febrúar 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.