Spurt og svarað

16. júlí 2008

Flugnabit hjá nýburum

Hæ og takk fyrir frábæran vef.

Við vorum að flytja til Danmerkur með litla 5 vikna piltinn okkar.Við vorum að taka eftir 2 litlum bólum í andlitinu á honum og grunar okkur að þetta gæti verið flugnabit. Ég hef fengið sjálfur 2 bit og mamma hans 3 bit. Eru bit hættuleg ungbörnum? Hvað getum við gert til að reyna forða barninu frá bitum? Má setja á hann svona flugnafælu og eftir-bit?

Kveðja, Sturla Þór.

 



 

Þar sem að þú ert í Danmörku og ég þekki ekki aðstæður þar, þá ráðlegg ér þér að hafa samband við heilsugæsluna þar sem að þú færð ungbarnavernd fyrir barnið þitt og fá leiðbeiningar hjá þeim um það hvað best er að gera í þessum málum. Einnig er mikilvægt að skoða þessar litlu bólur í andlitinu vegna þess að börn á þessum aldri eru stundum að fá hormónabólur í andlit svo mikilvægt er að meta rétt hver er orsökin.

Hér á Íslandi nota foreldrar flugnanet fyrir barnavagninn til að flugur fari ekki inn í vagninn.

Gangi þér vel,

Ingibjörg Eiríksdóttir,
ljósmóðir og brjóstagjafaráðgjafi,
16. júlí 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.