Spurt og svarað

11. maí 2006

Frumubreytingar í legi

Sælar og takk fyrir frábæran vef.
Ég var að heyra það að strax eftir barnsburð þá séu miklar líkur á frumubreytingum í leginu, er eitthvað til í þessu?

Með fyrirfram þökk
Lilja B



Sæl Lilja og þakka þér fyrir að leita til okkar.
Ég hef leitað víða í gagnasöfnum okkar og ekki fundið neitt sem styður þetta.  Ég geri ráð fyrir að þú eigir við illkynja frumubreytingar eða eitthvað sem ekki getur talist eðlilegt.
Konum er aftur á móti ráðlagt að bíða með að láta taka krabbameinssýni frá leghálsi þar til ca 8 vikum eftir fæðingu þar sem en geta verið bólgufrumur í leghálsinum sem geta ruglað niðurstöðuna.  Ég veit ekki hvort það er kannski það sem þú átt við?
Vonandi svarar þetta spurningu þinni.

Bestu kveðjur
Guðrún Sigríður Ólafsdóttir
ljósmóðir og hjúkrunarfræðingur
11. maí 2006





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.