Spurt og svarað

07. ágúst 2014

Hitafall tengt fæðingu

Sælar ljósmæður.
Mér leikur forvitni á að vita hvort hitafall eða hitahækkun verði um u.þ.b. sólarhring fyrir fæðingu? Ég er að rækta Labrador, og er ein örugg leið til þess að vita nákvæmlega hvenær tíkin gýtur að hitamæla hana nokkrum dögum fyrir væntanlegt got, en um 24 klst fyrir gotið lækkar hitinn niður um 1-2 gráður. Eðlilegur hiti hunda er um 38,5 og síðustu vikur fyrir got er hann um 37,5. 24 tímum áður en hvolparnir koma lækkar hitinn niður fyrir 37. Ætli það sama gerist hjá konum? Spurning hvort hann lækki eða hækki hjá okkur um sólarhring fyrir fæðingu? Með kærri kveðju :)




Sæl!
Takk fyrir þessa áhugaverðu fyrirspurn, ég er búin að leita mikið og finn ekki neitt um líkamshitabreytingu hjá konum áður en fæðing hefst. Hinsvegar er hægt að fylgjast með líkamshita í tengslum við egglos og blæðingar.
Þetta viðfangsefni hefur líklega ekki verið rannsakað vegna þess að konur fá oftast áætis fyrirvara og finna vel þegar þær byrja í fæðingu.


Með bestu kveðju,
Signý Dóra Harðardóttir,
ljósmóðir og hjúkrunarfræðingur,
7. ágúst 2014.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.