Höfuðbeina- og spjaldhryggjajöfnun fyrir ungbörn

13.03.2006

Komið þið sælar!

Ég er að leita mér upplýsinga um höfuðbeina og spjaldhryggjajöfnun fyrir ungbörn. Mig langaði til að vita hvort þið gætuð mælt með einhverjum sérstökum aðila og einnig hvort þetta væri eitthvað niðurgreitt.Er þetta eitthvað sem hefur verið rannsakað og hvernig áhrif hefur þetta þá haft?

Með kveðju, IÓ.

............................................................................................

Komdu sæl!

Þekki ekki höfuðbeina-og spjaldhryggjajöfnun nógu vel til að svara þessu né aðila sem stunda slíka meðferð, en hef heyrt vel af þessu látið af afspurn. Einnig er mjög líklegt, að slík meðferð hafi verið rannsökuð en þekki ekki niðurstöður þeirra rannsókna.  Tel ólíklegt, að höfuðbeina-og spjaldhryggjajöfnun sé niðurgreidd en Tryggingastofnun Ríkisins ætti að geta svarað því.

Kveðja,

Kolbrún Jónsdóttir,
ljósmóðir og hjúkrunarfræðingur,
13. mars 2006.