Spurt og svarað

04. desember 2007

Hve oft í bað?

Hæ hæ og takk fyrir frábærann vef!

Ég á lítinn gutta sem er 8 mánaða, þegar hann var ný fæddur sagði ljósmóðirin mér að það væri rosalega gott að koma á smá rútínu á kvöldin og ég gerði það, inn í þessari rútínu var að fara í bað eftir kvöldmatinn. Ég var að velta því fyrir mér hvort það er eitthvað óhollt að setja hann í bað á hverju kvöldi? Ég er ekki að nota neina sápu á hann og hann hefur ekki verið með neitt þurra húð. Ég hef svo núna verið að heyra frá öðrum að þetta sé ekki gott og að ég eigi alls ekki að baða hann svona oft. Mér finnst bara eins og honum líði svo rosalega vel eftir að fá að busla smá í baðinu fyrir svefninn.

Bestu Kveðjur, Ásdís.



Sæl og takk fyrir að leita til okkar.

Það er ekkert því til fyrirstöðu að baða litla drenginn þinn á hverju kvöldi. Það er þá mikilvægt, eins og þú virðist vera að gera, að fylgjast með að húð hans verði ekki þurr. Ef þér finnst hann vera að verða eitthvað þurr á húðina þá getur þú sett smá olíu (ólífuolíu sem matreitt er úr) í baðið eða að bera hana á hann eftir baðið.

Gangi þér vel.

Kær kveðja,

Þórdís Björg Kristjánsdóttir,
ljósmóðir og hjúkrunarfræðingur,
4. desember 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.