Spurt og svarað

04. október 2007

Hvenær eiga börn á pela að fá graut?

Góðan daginn og takk fyrir góða síðu!

Talað er um að börn á brjósti yngri en 6 mánaða eigi ekki að fá graut. Gildir það sama ef börnin eru bara á þurrmjólk? Sonur minn er búinn að vera bara á þurrmjólk síðan hann var 3 mánaða. Nú er hann 4 mánaða og þyngist og stækkar eðlilega. Er ástæða til þess að gefa honum graut fyrr en hann verður 6 mánaða?

Takk fyrir.

 


 

Sæl og takk fyrir að leita til okkar.

Þar sem sonur þinn dafnar vel á þurrmjólkinni tel ég enga ástæðu til að fara að gefa honum graut að svo stöddu.  Ef hann þyngist áfram vel fram að 6 mánaða aldri ætti þurrmjólkin að duga honum sem eina fæðan þar til þá. Því eins og þú nefndir í fyrirspurninni þá er ekki mælt með að gefa börnum yngri en 6 mánaða fasta fæðu.

Vona að þetta svari spurningu þinni.

Kær kveðja,

Þórdís Björg Kristjánsdóttir,
ljósmóðir og hjúkrunarfræðingur,
4. október 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.