Spurt og svarað

28. febrúar 2008

Hversu lengi eru brjóstin að jafna sig?

Mig langar að byrja á því að þakka góðan vef, hef oft leitað hingað og fengið góð svör við spurningum mínum. Mig langar að spyrja ykkur að því hversu langur tími þarf að líða frá fæðingu barns þar til að brjóstin eru búin að jafna sig og komin í sitt fyrra horf. Ég tek það fram að ég ætla ekki að vera með barnið á brjósti og stefni á að fara í brjóstaminnkun. Enn og aftur þökk fyrir góðan vef.

 


 

Sæl og blessuð.

Það er kannski ekki hægt að orða það svo að þau fari í sitt fyrra horf. Það hafa orðið á þeim breytingar á meðgöngunni sem eru margar hverjar óafturkræfar. Það er jú síðasta stig brjóstaþroskans sem fer fram á meðgöngunni. Eftir fæðinguna gerist ósköp lítið. Ef barn er ekki lagt á brjóst fer nánast engin mjólkurframleiðsla af stað. Þessi bakkgír sem líkaminn er settur í veldur smá þrota í brjóstvefnum. Eftir fáeina daga jafnar það sig og eftir það verður engin breyting.

Gangi þér vel.

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
28. febrúar 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.