Spurt og svarað

17. desember 2006

Maltextraxt til að flýta fyrir hægðum

Takk fyrir frábæran vef!

Langaði að spyrja um það hvort að óhætt sé að gefa syni mínum sem er þriggja mánaða brjóstamjólk á pela með maltextrakt útí til þess að flýta fyrir hægðum? Sonurinn er eingöngu á brjósti en staðan er þannig núna að allt að tólf dagar líða milli þess sem að hann hefur hægðir. Þegar hann loksins hefur hægðir þá eru þær mjúkar eins og á að vera hjá brjóstabörnum. Hins vegar er hann mjög pirraður í nokkra daga áður en hann loksins hefur hægðir. Þess vegna datt mér í hug að spyrja hvort að óhætt væri að gefa maltextrakt? Líkt og ég gerði með eldri son minn sem að fékk reyndar ábót af þurrmjólk.

Með kveðju, Epli.


Sæl og blessuð.

Það er í góðu lagi þótt langt sé á milli hægða brjóstabarna. Þeim er það mjög eðlilegt og það er frekar tákn um góða nýtingu þeirra á næringunni. Þetta er t.d. afar hentugt fyrir mæður sem eru með börnin berrössuð í klút á mjöðminni á sér. Þegar börnin fara svo að pirrast vita þær að nú er tíminn kominn. Börn á þurrmjólk geta hins vegar ekki melt hana til fullnustu og þeim er hættara við hægðatregðu. Ráð við því er t.d. maltextrakt. Börnum á brjósti þarf ekki og á ekki að gefa maltextrakt.

Með ósk um gott gengi,

Katrín Edda Magnúsdóttir,
ljósmóðir og brjóstagjafaráðgjafi,
17. desember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.