Spurt og svarað

20. mars 2007

Meira um járnþörf ungbarna

Sæl og takk fyrir góðan vef :)

Ég var að lesa fyrirspurn um járnþörf. Ég flutti með dóttur mína til Danmerkur þegar hún var 3 mánaða og kom því dönsk ljósmóðir alltaf heim til okkar í eftirlit.   Í Danmörku eiga börn að fá járndropa (og AD dropa eins og á Íslandi) fyrsta árið þrátt fyrir að þau séu eingöngu á brjósti fyrstu 6 mánuðina. Af hverju er þetta ekki gert á Íslandi?  Nú finnst mér svo skrítið að eiga barn hér á Íslandi og gefa barninu mínu ekki járndropa miðað við hversu mikilvægt þetta var fyrir þeim í Danmörku.


Komdu sæl og takk fyrir fyrirspurnina.

Nú veit ég ekki hvað vakir fyrir þeim í Danmörku.  Samkvæmt mínum heimildum inniheldur brjóstamjólk nægilegt járn fyrir börnin og þar að auki nýta þau járnið betur úr brjóstamjólkinni en eftir öðrum leiðum.  Kannski hefur þetta eitthvað með það að gera hversu margar mæður eru með börn sín á brjósti í Danmörku.  Ég veit ekki hversu hátt hlutfallið er þar en Ísland er mjög framarlega í þessu, þ.e. flestar mæður hér eru með börnin sín á brjósti fyrstu mánuðina.

Hinsvegar hefur komið í ljós í rannsóknum að börn upp að 2 ára eru ekki að fá nægilegt járn úr fæðunni (eftir að þau eru farin að borða venjulegan mat) og þess vegna er ráðlagt að gefa börnum stoðmjólk í stað nýmjólkur, hér á Íslandi, þar sem hún er járnbætt.  Kannski er þetta eitthvað sem Danir eru að reyna að fyrirbyggja með því að gefa börnum járndrora en við mælum með stoðmjólkinni í staðinn.

Bestu kveðjur

Rannveig B. Ragnarsdóttir,
hjúkrunarfræðingur og ljósmóðir.
20.03.2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.