Spurt og svarað

04. júlí 2006

Mikill eyrnamergur hjá 10 vikna

Sælar og takk fyrir mjög góðan og fróðan vef.

Ég er í vandræðum með eyrun á litlunni minni. Mér finnst vera mikill mergur inn í eyranu og ég veit ekki alveg hvernig ég á að fara að því að þrífa hann. Ég er ekki hrifin af því að nota eyrnapinna nema fyrir utan eyrað ef eitthvað hefur skilað sér út. Hafið þið einhver ráð handa mér.

Ein ráðalaus.

 


 

Sæl!

Eyrnamerg í litlum börnum á alveg að láta í friði, nema það sem kemur út úr hlustinni og sést með berum augum, í eyrnagangsopinu, þar sem hlustin byrjar. Ef farið er að hreinsa með eyrnapinna er hætta á að mergnum verði ýtt lengra inn í hlustina þar sem hann getur safnast saman og þést og orðið að hörðum eyrnamergstappa, sem getur skert eða truflað heyrnina á meðan hann er þarna. Oftast þarf svo eyrnalækni til að ná honum þaðan aftur út. Eyrun eiga að vera sjálfhreinsandi og ekki er ástæða til að vera að hafa nokkrar áhyggjur af þeim, nema ef eitthvað kemur í ljós í ytra eyra, sem má þá þrífa með einhverju mjúku og deigu.

Kveðja,

Kolbrún Jónsdóttir,
ljósmóðir og hjúkrunarfræðingur,
4. júlí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.