Nýbura merkingar í gamla daga

12.11.2014

Komið þið sælar.
Ég var að grúska í gömlu dóti sem móðir mín átti (hún er látin) og fann þá tvö bönd sem ég held að séu nýbura armbönd úr taui og á þeim stendur A 606 og B 606. Hún fæddi tvíbura 1955 og 1966 á Landspítalanum og er ég annar tvíburinn sem fæddist "66. Gætu  þessi bönd hafa verið notuð á þessum árum ? Gaman væri að heyra frá ykkur.
Kær kveðja



Sæl og blessuð.
Takk fyrir þessa áhugaverðu fyrirspurn. Eftir talsvert grúsk og viðtöl við ljósmæður sem voru að störfum 1966 teljum við nokkuð öruggt að þessi bönd séu frá 1955. 1966 var byrjað að nota einhvers konar perlukerfi til að auðkenna börnin.

 

Bestu kveðjur
Áslaug Valsdóttir
ljósmóðir og hjúkrunarfræðingur