Spurt og svarað

25. maí 2012

Óskýrar línur á þungunarprófi

Sælar :-)

Ég var að velta því fyrir mér hvort það sé rétt að „lína sé alltaf lína“. Ég á 11 mánaða gamla dóttur sem er ennþá á brjósti en ég hef ekki farið á almennilegar blæðingar ennþá. Ég tók próf í gær og það koma svakalega óljós lína, rétt svo að ég greini hana. Kemur yfirleitt svoleiðis ef maður er ekki óléttur eða er ég bara komin stutt á leið?

Bestu þakkir :-)


Sæl!

Já þetta er rétt hjá þér, lína er alltaf lína sama hversu ljós sem hún er. Þú getur hafa haft egglos þrátt fyrir að eðlilegar tíðablæðingar séu ekki byrjaðar eftir síðustu fæðingu. Ég mæli samt sem áður með að þú endurtakir þungunarprófið. Það er erfitt að segja til um mögulega meðgöngulengd svo ég ráðlegg þér að leita til kvensjúkdómalæknis til að fá úr því skorið. Nánari upplýsingar um þungunarpróf má finna í nýlegri grein hér á síðunni.

 

Með kveðju,

Signý Dóra Harðardóttir,
ljósmóðir og hjúkrunarfræðingur,
25. maí 2012

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.