Spurt og svarað

06. júní 2004

Sjónvarp og ungbörn

Halló!

Er í lagi að ungbörn, í þessu tilviki 3ja mánaða, horfi á sjónvarp? Hann hefur mjög gaman af því - hreyfingar og litir -  en er það slæmt fyrir augun?

Kveðja.

Sæl!

Fordæmi foreldra er mjög áhrifaríkt verkfæri í höndum þeirra til að hafa áhrif á hegðun barna sinna. Það á jafnt við um sjónvarpsáhorf og aðra hegðun þeirra. Sjónvarpsáhorf ungra barna hefur ekki skaðleg áhrif á sjón þeirra en það hefur áhrif á heilann og starfssemi hans. Við sjónvarpsáhorf verður heili barnsins fyrir stöðugu áreiti en hefur ekki náð þroska til að vinna úr öllum þessum áreitum, það getur haft skaðleg áhrif á barnið og orsakað hegðunarvandamál. Því minna sjónvarpsáhorf að tveggja til þriggja ára aldri þeim mun betra fyrir barnið. Í sænskri grein í læknisfræðilegu fagtímariti þar sem fjallað er um áhrif sjónvarpsáhorfs á börn, komu fram sterk tengsl á milli áhorfs eins árs barna (í 2,2 klst. daglega) og þriggja ára barna (í 3,6 klst. daglega) og einbeitingarskorts þeirra við sjö ára aldur. Flestum uppeldis- og sálfræðingum ber saman um að takmarka eigi sjónvarpsáhorf barna og hafa eftirlit með hvaða efni þau horfa á. Það sama á raunar við um tölvuleikjanotkun. Það er hægt að gera svo margt annað til afþreyingar með svona ungu barni en að horfa á sjónvarp eins og bara að vera saman, snerting við hvort annað, kjá saman, tala saman, syngja og hlæja saman sem örvar þroska barnsins og styrkir ykkar tilfinningatengsl og kemur ykkur báðum til góða.

Sjá umfjöllun á Heilsuveru um skjánotkun barna.

Kolbrún Jónsdóttir, hjúkrunarfræðingur og ljósmóðir.
Yfirfarið í maí 2020

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.