Stoðmjólk

23.08.2006
Sælar
Mig langaði að forvitnast um stoðmjólkina, nú er þurrmjólkin tormelt og oft erfiðara að melta hana en brjóstamjólkina. Hvernig er það með stoðmjólkina, er hún tormelt líka þar sem guttinn minn hefur nánast aldrei ælt eftir drykkju þurrmjólkur er farinn að æla svolítið eftir stoðmjólkina.
Önnur spurning, ég hita stoðmjólkina aðeins svo hún sé ekki ísköld, hversu lengi get ég geymt hana eftir að ég hef hitað hana eða er æskilegt að henda afgangi ef einhver er?
bkv


 

 Ég myndi halda að það sé álíka erftitt að melta þurrmjólk og stoðmjólk þar sem báðar tegundirnar eru búnar til úr kúamjólk.  Það eru hinsvegar mörg börn sem æla svolítið í byrjun af stoðmjólkinni einhverra hluta vegna.
Eftir að búið er að hita mjólkina er ráðlagt að henda afgangnum.
 
Kveðja
 
Rannveig B. Ragnarsdóttir,
hjúkrunarfræðingur og ljósmóðir.
23.08.2006.
Komdu sæl.