Stoðmjólk eða þurrmjólk

27.04.2011

Ljósmóðirin mín var að mæla með stoðmjólk núna þegar drengurinn er orðinn 6 mánaða. Annað fólk er hinsvegar á móti því að nota stoðmjólk sem máltið. Og mælir frekar með þurrmjólk. Af hverju er það? Er stoðmjólk ekki eins vítamínrík og þurrmjólk? Hvað ætti ég að nota?

Takk fyrir mig.


Komdu sæl.

Þurrmjólk og stoðmjólk eru sambærilegar mjólkurafurðir.  Búnar til úr kúamjólk sem búið er að brjóta niður svo hún sé auðmeltari og hvorutveggja er járnbætt.  Það getur verið að mismunandi magni vítamína sé bætt í þær en eftir 6 mánaða aldur á matur að vera aðalfæða barnsins og mjólkin er drukkin með matnum en á ekki að vera máltíð sjálf.  Barn þarf ekki nema 500 ml af mjólk á dag þegar það er farið að borða.

Kveðja

Rannveig B. Ragnarsdóttir,
ljósmóðir og hjúkrunarfræðingur.
27. apríl 2011.