Spurt og svarað

17. október 2005

Tannburstun

Sælar og takk fyrir frábærann vef.
Ég er með 5 mánaða barn allveg á brjósti og það er farið að gæjast í tvær tennur, hann er ekki byrjaður að borða neitt ennþá og ég var að spá hvort ég eigi strax að fara tannbursta hann? Hef ekki gert það hingað til.  Ef ég á að tannbursta hann þá með hverju og hvernig,
Kveðja Inga
 
................................................
 
Komdu sæl Inga og takk fyrir fyrirspurnina.
 
Já það er mælt með því að byrja strax að bursta við fyrstu tönn, þannig heldur þú jú tönninni hreinni og barnið lærir að þetta er eitthvað sem er gert á hverjum degi.  Hægt er að fá sérstaka tannbursta fyrir börn frá 0-6 ára en mestu skiptir að tannburstinn sé lítill og mjúkur.  Einnig er hægt að fá tannkrem sérstaklega ætlað börnum en barnatannlæknar hér á landi segja að nota ætti fullorðinstannkrem fyrir börn þar sem flúorinnihald í barnatannkreminu sé lítið og henti þar sem flúor er í vatninu og passa þarf að barnið fái ekki of mikið af flúor.
 
Kveðja
 
Rannveig B. Ragnarsdóttir,
hjúkrunarfræðingur og ljósmóðir.
17.10.2005.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.