Spurt og svarað

07. september 2007

Tannburstun 3ja mánaða

Góðan dag!

Dóttir mín er 3 mánaða og 3 vikna gömul og fyrsta tönnin er farin að koma í ljós. Nú er ráðlagt að byrja strax að bursta tennur með flúortannkremi, en ég er á báðum áttum hvað skuli gera þegar barnið er þetta ungt.  Eina fæðan sem hún er að fá er brjostamjólk og hún er nýfarin að fá AD dropana þar sem þeir fóru mjög illa í maga.

Hvað mælið þið með að ég geri?

Með kveðju.

 


 

Sæl og takk fyrir að leita til okkar.

Það er mikilvægt að byrja strax að bursta tennur þegar þær koma, bæði til að varna tannskemmdum og einnig til að venja barnið á tannburstun.  Þó svo að dóttir þín sé einungis að fá brjóstamjólk þá er nauðsynlegt að bursta, þar sem brjóstamjólkin hefur töluvert magn af mjólkursykri.  Mælt er með að nota mjúka tannbursta og flúortannkrem, en einungis lítið. Til eru bæði tannkrem og tannburstar fyrir börn 0-2 ára.

Gangi ykkur vel.

Kær kveðja,

Þórdís Björg Kristjánsdóttir,
ljósmóðir og hjúkrunarfræðingur,
7. september 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.