Spurt og svarað

11. nóvember 2005

Trip trap stólar

Hvenær mega  börn fara að sitja í Trip trap stólum?

......................................................................

Hæ, hæ og takk fyrir að senda okkur fyrirspurn!

Áður en ungbörn læra að sitja þurfa þau að vera farin að halda höfði, sem gerist oftast um þriggja mánaða aldur. Þau læra smám saman að sitja sjálf og óstudd á tímabilinu 4-8 mánaða gömul, fyrst með stuðningi um fjögurra mánaða aldur og síðan oftast upp úr sjö mánaða aldri, fara þau að sitja óstudd í stutta stund í einu, sem lengist smám saman með æfingunni. Um átta mánaða aldur ættu þau að vera farin að sitja óstudd. Það er óhætt að byrja að venja þau við Trip trap stólinn á þessu aldursbili en í upphafi þarf að setja púða eða annan stuðning við búk þeirra ef þau eru ekki farin að sitja óstudd, og hafa þau í stólnum í stutta stund í einu, til að byrja með.

Vonandi svarar þetta fyrirspurninni og gangi ykkur vel.

Kveðja,

Kolbrún Jónsdóttir,
ljósmóðir og hjúkrunarfræðingur,
11. nóvember 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.