Spurt og svarað

29. október 2004

Ungbörn og salt

Sælar og takk fyrir góðan vef.

Hvers vegna á að varast að gefa ungbörnum saltaðan mat og hversu lengi á að bíða með að nota krydd í fæðuna?

................................................................

Komdu sæl og takk fyrir að leita til okkar.

Það er talið vera of mikið álag á nýru ungabarna að gefa þeim saltaðan mat. Það er ekki ráðlagt innan ungbarnaverndar heilsugæslunnar að krydda sérstaklega mat fyrir ungbörn því þau fá saltið annars staðar frá eins og t.d. úr smjöri þegar þau eru farin að fá það. Mælt er með að þau venjist heimilismat (forðast mikið kryddaðan mat) smám saman eftir að þau eru farin að borða fasta fæðu og eru flest farin að borða úr öllum fæðuflokkum upp úr eins árs aldri. Það er ekki miðað við ákveðinn aldur varðandi kryddun, heldur forðast mikið kryddaðan mat en leyfa barni að venjast hinum ýmsu brögðum eftir því sem það eldist. Það þarf að drekka vel t.d. vatn með söltum mat til að nýrun nái að útskilja með þvagi það umfram salt, sem við höfum ekki þörf fyrir. Sé það ekki gert, getur það haft áhrif á hækkun blóðþrýstings og bjúgmyndun í líkamanum.
Vona, að þetta svari fyrirspurninni en þér er líka óhætt að leita til þíns hjúkrunarfræðings í ungbarnaverndinni til  að fá nánari upplýsingar um mataræði ungbarna. Allir foreldrar eiga einnig að fá afhentan bækling í ungbarnaverndinni um mataræði ungbarna með leiðbeinandi og vonandi gagnlegum upplýsingum þar að lútandi.

Gangi ykkur vel!

Kolbrún Jónsdóttir,
hjúkrunarfræðingur og ljósmóðir,
29. október 2004.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.