Útisvefn í öskumistri

26.04.2010

Komið þið sæl,

Takk fyrir alveg frábæran vef, ég hef notað hann mikið allt frá því ég varð ófrísk af dóttur minni sem nú er 10 mánaða.En nú er í fyrsta sinn þörf fyrir mig að senda sjálf fyrirspurn: Er rétt að láta börn sofa inni í Reykjavík og nágrenni í ljósi þess að aska gæti leynst í andrúmsloftinu. Nú hefur ekki orðið beinlínis öskufall á þessu svæði en þó er væntanlega eitthvað öskumistur þó það sé varla greinanlegt. Er rangt af mér að láta barnið sofa úti í vagni?

Kær kveðja

Þóra.


Komdu sæl Þóra.

Talið er að lítið magn ösku sé ekki hættulegt en börn eru viðkvæmari fyrir en fullorðnir.  Ráðlagt er að halda börnum inni þegar um öskumistur eða mikla svifryksmengun er að ræða.

Nánari upplýsingar má finna á:

http://almannavarnir.is/displayer.asp?cat_id=8&module_id=220&element_id=2274

Kveðja

Rannveig B. Ragnarsdóttir,
ljósmóðir og hjúkrunarfræðingur.
26. apríl 2010.