Spurt og svarað

20. júní 2005

Vökvi úr brjóstum en er ekki þunguð

Sælar!

Við hjónin erum búin að vera reyna eignast barn en ekkert hefur gengið í ár. Núna í gær var ég eitthvað að fikta í brjótunum og þá kemur eins og mjólk út úr þeim. Ég tók auðvitað strax þungunarpróf því ég var forvitin, hélt kannski að ég væri orðin ófrísk en fékk neikvætt. Hvað þýðir þetta?

..........................................................................

Sæl og blessuð!

Að öllum líkindum þýðir þetta ekkert sérstakt. Því miður fyrir ykkur. Það geta flestar konur á barneignaraldri kreist út vökva úr brjóstum sínum annað slagið. Það jákvæða fyrir þig er að það þurfa ákveðin hormón að vera til staðar til að það sé hægt og þau sömu hormón þurfa að vera til staðar til að hægt sé að verða ófrískur. Svo að vissu leyti eru þetta góðar fréttir.

Með bestu ósk um að vel gangi,

Katrín Edda Magnúsdóttir,
ljósmóðir og brjóstagjafaráðgjafi,
20. júní 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.