Spurt og svarað

17. júní 2006

Þröngur endaþarmur

Halló
Ég er með miklar áhyggjur af litlu stelpunni minni.  Það kom í ljós um daginn að hún er með of þröngan endaþarm, og kannski þurfi að svæfa hana.  Er ekki hættulegt að svæfa ungabörn?  Eru svona aðgerðir lífshættulegar fyrir barnið mitt?  Er þetta algengt hérna á Íslandi?
Með von um skjót svör.
 
..............................................
 
Komdu sæl og takk fyrir að leita til okkar.
 
Skiljanlega hefur þú áhyggjur.  Helst vildi maður aldrei þurfa að leita læknis með börnin sín.  Svæfingu fylgir alltaf einhver áhætta en sem betur fer er hún lítil.  Á hverju ári eru mörg pínulítil börn svæfð á Íslandi og sem betur fer gengur allt að óskum í langflestum tilfellum, reyndu að hafa það í huga þegar og ef stúlkan þín fer í aðgerð.  Nú veit ég ekki hversu mikið þetta er hjá henni eða hversu stór aðgerðin verður, því getur bara læknirinn hennar svarað en svona aðgerðir eru ekki lífshættulegar fyrir barnið ef hún er hraust að öðru leiti.  Ég held ekki að svona aðgerðir séu algengar en það er alltaf eitt og eitt barn sem fæðist með of þröngan eða lokaðan endaþarm.
 
Gangi ykkur vel
 
Rannveig B. Ragnarsdóttir,
hjúkrunarfræðingur og ljósmóðir.
17.06.2006




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.