AB-mjólk á meðgöngu

22.04.2009

Sælar og takk fyrir frábæran vef.

Mig langaði að athuga hvort barnshafandi kona megi drekki ab-mjólk. Guð, þetta er væntanlega fáránleg spurning, en mér finnst ab-mjólk mjög góð, en núna eru miklir gerlar í henni og langaði því að athuga hvort að það sé óhætt að drekka hana.

Annars enn og aftur takk fyrir frábæran vef.


Sæl og blessuð!

Það er mjög gott fyrir barnshafandi konur að drekka ab-mjólk. Ab-mjólkin dregur nafn sitt af tveimur gerlum sem hún inniheldur, þ.e. Lactobacillus acidophilus (a) og Bifidobacterium bifidum (b). Þessir gerlar bæta meltinguna og styrkja varnir líkamans því þeir lifa af ferðalagið í gegnum magann og halda starfsemi sinni áfram í meltingarveginum, þannig að óæskilegir gerlar eiga erfiðara uppdráttar.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
22. apríl 2009.