Spurt og svarað

18. maí 2015

Listería

Hæ ég er komin 30v á leið og stein gleymdi mér og gúffaði í mig harðfisk núna er ég svo hrædd um að hafa fengið listeríu og veit hún er einkennislaus á meðgöngu :( þannig ég var að spá hvernig er greint listeríu smit á meðgöngu? ætti það að sjást í blóðprufu? veit það er rosa ólíklegt að smitast en ég get bara ekki hætt að hugsa um þetta, Kv Stressuð bumbulína

Heil og sæl bumbulína, hættu alveg að hafa áhyggjur af þessu. Ekki er formlega varað við harðfiskáti á meðgöngu og ég gat ekki fundið neinar upplýsingar um að listería hafi nokkru sinni fundist í harðfiski. Listeria hefur aðallega fundist í graflaxi, kaldreyktum laxi og ógerilsneyddum ostum.  Það er ekki leitað að listeríu smiti á meðgöngu, listeríu smit á meðgöngu getur leitt til fyrirburafæðingar eða fósturláts og smitið kemur yfirleitt fram um þremur vikum eftir að matar er neytt. Þetta er mjög sjaldgæft. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.