Spurt og svarað

28. maí 2015

Rautt kjöt

Hæhæ, ég er komin 13+1 og geng með mitt fyrsta barn. Er nýbúin að fara í sónar og kíkja á krílið sem var á fleygiferð um allt í sónarnum og allt í góðu. En í gær fór ég á veitingastaðinn Nam á Bíldshöfða og fékk mér nautakjötssamloku, en kjötið þar er eldað og svo kælt og geymt í litlum plastboxum. Ég er bara svo smeyk um að það hafi ekki verið nógu vel eldað því ég fékk aðeins í magann nokkrum klukkutímum eftir a hafa borðað það og fann svo fyrir auknum togverkjum í gærkvöldi og í morgun sem leiða aðeins aftur í bak. Vona að það sé bara málið en er voða smeyk eitthvað. Hef samt alveg fengið oft í magann á þessari meðgöngu og hef áður fengið mér að borða þarna en er eitthvað stressuð núna :/

Heil og sæl, varðandi kjöt þá er ekki æskilegt að borða hrátt eða illa steikt kjöt á meðgöngu. Ef þetta kjöt hefur verið gegnum steikt þá þarftu ekki að hafa áhyggjur. Gangi þér vel. 

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.