Spurt og svarað

31. janúar 2009

Eðlilegur líkamshiti á meðgöngu

Takk fyrir góðan vef :)

Langar að spyrja ykkur hvort líkamshiti hækki á meðgöngu? Ég hef verið hálfslöpp með hálsbólgu og hef því mælt mig en er 37,5° C á munnmæli en með endaþarmsmæli hef ég verið 37,7°C. Er ég þá með smá hita veilu eða er þetta bara eðlileg hækkun vegna meðgöngunnar? Tek það fram að ég er komin um 7 vikur á leið. Ég hef miklar áhyggjur af því að kvefið og hálsbólgan hafi áhrif á fóstrið því ég hef misst tvisvar og læknirinn sagði að kvef á viðkvæmum tíma gæti örsakað fósturlát.

Takk fyrir.


Sæl!

Eðlilegur líkamshiti hvort sem er á meðgöngu eða ekki á meðgöngu er á bilinu 36,5-37,5°C þannig að það lítur út fyrir að þú sért með smá hita. Ég hef ekki heyrt að kvef á viðkvæmum tíma geti valdið fósturláti og held þú ættir ekki að vera velta þér mikið upp úr því. Vona bara að allt gangi vel hjá þér.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
31. janúar 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.