Spurt og svarað

06. júní 2012

Fíkniefni

Hæhæ

Ég tel mig vita að ekki er gott að neyta áfengis eða fíkniefna á meðgöngu. En mig langar að fá hreint og beint svar með hvað hefur getað gerst fyrir fóstur gengið á 5.viku vegna neyslu minnar á áfengi, tóbaki og örvandi fíkniefnum á viku 4. Er hægt að sjá í segjum snemmsónar eða blóðprufum hvort barnið hafi hlotist meiriháttar skaða af? Eru dæmi um missi eða fæðingagalla í svipuðum dæmum? Fíkniefni eru að sjálfsögðu skaðleg sjálfri mér og eru þau þá ekki lífshættuleg svo óþroskuðu fóstri eða er það kannski skárra að ég hafi gert þetta svona snemma á meðgöngu frekar en síðar? Ég vil taka það fram að ég vissi ekki að ég væri þunguð.
Takk fyrir hjálpina.



Sæl!

Ég skil vel að þú hafir áhyggjur af fóstrinu þínu. Því miður er ekki hægt að útiloka með blóðprufum eða sónarskoðun hvort fóstrið hafi hlotið skaða af þessari neyslu en auknar líkur eru á fósturláti.
það mikilvægasta sem þú getur gert núna er að hætta strax allri neyslu og ræða við ljósmóðir í mæðravernd um neyslusögu þína, hún getur aðstoðað þig. Einnig bendi ég þér á að lesa um áfengi og fíkniefni á meðgöngu og bækling um áfengi og fíkniefni á meðgöngu á PDF formi.

Gangi þér vel

Með kveðju,
Signý Dóra Harðardóttir,
ljósmóðir og hjúkrunarfræðingur
6. júní 2012




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.